بعد مشورة البنات كورسات ميك اب

ازيكو يا بنوتات ياحلوين انا بعد ما اخدت راى البنات هنا فى المنتدى قررت ارجع اعمل ميك اب العرايس والسهرات باسعار مناسبة جدا

وكمان اللى تحب تاخد كورس فى الميك اب انا تحت امرها بالنسبة لسعر كورس الميك اب بعد مانا عانيت من الاسعار الفظيعة اللى

اخدت بيها الكورسات قررت اعملها باسعار حنينة عشان البنات تقدر كلها تتعلم سعر الكورس معايا 500 جنيه مصرى

وانا اول واحدة معاكي
بس انا بلبنان بزور اهلي وبعمل شوبنج
اول ما افل هكلمك
مش عايزة حاجة من هون

ممكن اسعار ميك اب السهرات

بجد اسعارك تجنن فين مركز التجميل بتاعك انا نفسي من الزمان اتعلم ممكن العنوان

حبيبتي ممكن تنزلي صور للميك اب بتاعك

شكرا يا جميلة تروحى وترجعى بالسلامة
وشكرا ليكو يا بنات
بالنسبة لاسعار السهرة 50 جنيه -75 جنيه
بالنسبة للصور المشكلة ان اللى بعملهم الميك اب ميحبوش صورهم تظهر عالنت ودى امانة وانا نفسى حد يوافق انشر صور الميك اب بتاعى بعد ما اعملهولها
بالنسبة للمكان بتاعى انا فى مدينة نصر بس المحل بيتوضب انا حاليا بدى احيانا فى البيت واحيانا تانية لو عند كوافير تبع اللى بتاخد الكورس لانى للاسف صعب اروح البيت لها

اللى تحب تاخد كورس معايا تكتبلى او تبعت عالخاص وانا اقولها العنوان والتليفون ونتفق باذن الله ولو جابتلى حد عن طريقها حعملها تخفيض

السلام عليكم
انا اخويا هيتجوز علي العيد وانا شايفة اسعارك حلوة
ولوكده ينفع تيجي علي الفندق للعروسة
بس قبل اي شي لازم اشوف صور وطريقة مكياجك لاقنع مرات اخويا بيكي ممكن؟
ولو كده حتي اخليكي تعمليلي انا في اليوم ده

بصي با انا بعمل مكياج وحش اوي لنفسي لو ينفع تعلميني من غير كورسات يعني اديني فكرة وبعدين نتقابل في حتة عشان جوزي مش هيرضي اروح بيت وانتي كمان بتقولي مش بتروحي ايه رايك

بالتوفيق يا قمر

بصى يا mena
انا ممكن اعمل بروفة وححاول اشوف واحدة ترضى تتصور وانزلكو الصور قريب انشاء الله عالمنتدى وبالنسبة انى اروح الفندق مفيش مشكلة

بالنسبة نسمة جيب
مفيش مشكلة بس ممكن نتقابل فين انا عضوة فى النادى الاهلى لو انتى عضوة ممكن نتقابل هناك

لو سمحتي انا بحاجة ليكي انا ملامحي جميلة ومش بحب المكياج بحب طبيعتي وديما العرسان تمشي لما تشوفني انا جيلي عريس قريب ومستعدة اجيلك في اي مكان قبل مقابلة العريس بس لو سمحتي قولي العنوان بالضبط وقوليلي رايك انا منزلة صورتي وبحب شكلي ايه رايك فيا مش الطبيعي احلي انا مهندسة كمبيوتر ومشغولة ديما بس عايزة اجرب المكياج يمكن يكون حلو برضه ممكن عنوانك
باقرب وقت لان العريس جاي يوم15 مستنية ردك بسرعة
اه لو سمحتي انتي بتعرفي تعملي الشعر كمان؟

بصى يا soma بالنسبة للشعر انا مش بعرف بس ممكن اجيبلك صديقتى هى كوافيرة لو تحبى ممكن اتفق معاها تيجى فى نفس اليوم اللى حتجيلى فيه لو حعملك ميك اب وطبعا بالنسبة للطبيعى بيبقى حلو بس بعيد عنك الرجالة مش دايما بتقدر الطبيعى هما بيلفت نظرهم اللى مش طبيعى بالنسبة لمكانى انا فى مدينة نصر بس طبعا العنوان مش حينفع احطو عالنت عشان الشباب اللى بيدخلو بس ممكن تبعتيلى عالخاص رقمك وانا حطلبك واقولك العنوان فى التليفون بس عالخاص اوعى تحطى الرقم فى الرد عالملأ خلى بالك وعلى فكرة الحال من بعضه بردو انا اصلا مهندسة بس تخصصى فى الجرافيك والرسوم المتحركة

لا انا مش عضوة في اي نادي مفيش مكان تاني

نسمة جيب طيب اقترحى انتى مكان مناسب

انا عندي محل كوافير كبير بالمعادي لو حابة تيجي عندي بس في شرطين
الاول المحل هياخد نصف اجرك الي هتخديه من الزبونة
والثاني هبعتلك علي الخاص واقولهولك
انا عندي زبائن كتير اوي ومش هتندمي

salma طيب ابعتيلى الشرط التانى عالخاص وارد عليكى

بالتوفيق

خلاص يا اختي العريس مشي
للاسف شفني فجاة انا زعلانة جدا ونفسيتي تعبانة جدا

ليه بس يا سومة والا يهمك واحد يمشى يجى غيرو واحسن منو كمان وبعدين شافك فجأة ازاى

انا عايزة اقولك حاجة دايما تكونى واثقة فى نفسك مهما حصل مش معنى ان واحد مشى خلاص ان نفسيتك تتعب بالعكس اكيد ربنا شايلك واحد احسن منو بس كلو بميعاد والرجالة اكتر من الهم عالقلب

لو سمحتي انا عايزة اخد الكورس بس ممكن اعرف مدته

شكرا علي تصبيرك ليا
لكن فعلا انا مش سهل انه يجيلي عريس يمكن انتي تقولي كده اكيد انتي حلوة لكن انا زي ما انتي شايفة وانا كمان في سن حساس قوي انا عندي 33لكن انتي لسة قدامك فرص واكيد مهنتك بتخليكي تقبلي ناس كتير انا مفيش فايدة حتي اخواتي وامي عارفين انه مفيش فايدة اني اتجوز هعمل ايه ده نصيبي
عموما لو عندك عريس عايزة واحدة وحشة زيي وعندها 33سنة متتاخريش عليا ارجوكي
شكرا

ممكن تليفونك

طيب انا ممكن اجيلك البيت بس جوزي هيجي معايا ينفع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ