عندك ضيوف مفاجأة ؟ حلو سريع التحضير

عندك ضيوف كلموكى و قالوا جاين بعد ساعتين

مافيش مشكلة.... أم على و توفى بودينج هما اسرع حلو يتقدم

أم على الزمن 15 دقيقة
=============

رصى فى البايركس او البرام اللى عندك (رقائق جولاش مقطعة - رقاق مقطع )

حطى على وشهم معلقة زبدة سايحة او قشطة و دخليه الفرن يتحمصوا

بعدين حطى 2 كوب لبن ومدوب فيهم 2 ملعقة سكر كبيرتين و اسقى بيهم الرقائق (خلى البايركس يهدأ الول عشان مايفرقعش فى وشك)

حطى كبشتين زبيب فى ماء ساخن و لما الصينية تطلع من الفرن حطيها عليهم
لو عند مكسرات ياريت ترشيها على الوش


توفى بودينج
=======
1 1/2 لتر ابن و مدوب فيهم "كورن فلاور أو كاسترد"
4 شرائح توست منزوع الحواف (ماترميش الحواف حمصيها و اعمليها بقسماط)
زبييب منقوع فى ماء ساخن 5 دقائق
1/2 كوب سكر و 1/8 قشطة او كريمة لبانى

الطريقة

على النار ابدأى فى عمل البودينج او الكاسترد و لما يغلظ قوامه طفى عليه
افردى نصفه فى البايركس
افردى التوست فوقه
افردى النصف الثانى من البودينج
اضيفى التوفى و عليه الزبيب و على الثلاجة مباشرة

التوفى
====
يوضع السكر على النار فى حلة تيفال
عندما ينصهر و يحمر و يبقى كراميل هدى النار و اضيفى الكريمة و قلبيها
خلى بالك السكر السخن ممكن يحرقك